دار پلت

متن آهنگ دار پلت از دانیال هوشیاری

دارِ پَلِت

وابی دَمه هَرکَس تیَلِت ایمیره
یا بِشنفه او خَندیَلِت ایمیره

مِرزِنگ تو تیری مِن کَمونَل بُرگِت
هَرکینَه زَ او بُرگ خَلِت ایمیره
هَرکینَه زَ او بُرگ خَلِت ایمیره

بدبخت وَ کِری چی مو کَلوت وابیده
اُفتا کِری اَر مِن هَچَلِت ایمیره
اُفتا کِری اَر مِن هَچَلِت ایمیره

دارَل مِن آبادی وَ داغِت اُفتان
هَر دار که دی دارِ پَلِت ایمیره
هَر دار که دی دارِ پَلِت ایمیره

وابیده دو کَل هرکه رَد وابی جُفتِت
چی دل مو که وابی دو کَلِت ایمیره

شاعره هَمه‌ی شِعرَلُم وابیدی تو
خونَنده مِن نِصفه‌ی غزلِت ایمیره

زُخمی تِنِه دل نازک و گُورو دارُم
چی مار که وابی دو کَلِت ایمیره

چی مار که وابی دو کَلِت ایمیره
دونُم شُو وَ خَوُ ایرَه دیار وانیبو

ای کُر که وَ حسرت بَغَلِت ایمیره
ای کُر که وَ حسرت بَغَلِت ایمیره