دی(مادر)

متن آهنگ دی(مادر) از اسفندیار احمدی

 کوچنی دی دل کلویه سی دلت
سی دو ذلف مثل برفت بو گلت

دی بیابون کردیه صحری دله من وورد غم
بعد خت بارون نزه من ووردمو حتی یه نم

 دووی نیسی تشی نی چاله سرده
سراپام یخ زیه جونم ودرده

 دووی ای یادگار روزله خش
گپ ایزی قیمتی بی چاله وو تش

دووی قربونت وابوم مه مریضی
قرنده که دنا سی خم عزیزی

دووی ای تک ستون استوارم
تو بییی بهترینه روزگارم

دی هنی هم تامره تا پیرچپون 
پی پیاده ایروی دندی حیون

دی هنی هم کاسه بهره ایبری
بی شبق دو ایزنی مث زیتری

دی مو قربونت برم نومت خشه
دلخشی مو حرفلت بنده تشه

دی خدا دونه که بی خت دلخشینه نیدمه 
چشملم سویی نیاره بسکه رهنه پیدمه

دی دلم تنگ وابیه سی شلشلی
سی یه گرده ی زر تشی وو خلخلی

دی کلو وابی دلم په کوچنی میناته نی 
چارقد سوز قشنگت کو لچک دمپاته نی

دی دلم بونه ایگره هر شو وداغت تا سحر
یا بیو مهمون جونم یا منه بی خت بوور