کهبنگ

آهنگ کهبنگ یکی از آهنگ های آلبوم «کهبنگ» اثری از مهران پازیار است.

متن آهنگ کهبنگ

وا خوم گدوم که امسال سرتاسری بهاره 
اما دلم ندونست یو دنگ روزگاره 

بازیم مده زمونه خورزا که نوبهارم
سوزم همیشه حتی بارون ایر نباره 

شوگار بی تش و تنگ بی همدرنگ و بی دنگ 
نه ساز میشکالی نه کوگ در نه کهبنگ

تش وسته من دلامون دی سهده وارگه هامون 
از سوز ای جدایی دیلق گرهده مالمون

مندم به مین گور اوه امداد ایخوم ز گویل 
امشو که بی قرارم کاشکی بیاین به جارم 

ای آرمون و عشقم تهنا مراد ای دل 
دیر از تو روزگارم تهله و تم نداره 

شوگار بی چرامه روشن بکن تو ای مه
امشو که وا خیالت آستاره ایشمارم

پبچسته مین کهسار بنگ بلند کهبنگ
وسته به چاله جونم عشق تو چی تش و تنگ

دستم بگر که آبوی از نو رک بهونم
واکل کنم به مهرت ای یار هم زبونم

ای کر بزن تو کهبنگ تاگویلم جمع آبون 
دست من دس یک ازنو همدل بویم و هم جون