تش و چاله

متن آهنگ تش و چاله با صدای امید صالحی

دلوم ایخوا تا یه پسینی،  پا تش و چاله 
که بخونیم وا تیه کالی ،بیته بلاله

کل چاله مین خیالوم وا تو نشستوم 
تو نهودی دستت آروم ور منه دستوم

دلوم ایخا تا یه پسینی، بنشینیم پا تش و چاله 
همه وا یک دی به نم دل ، هی بخونیم بیته بلاله

 هی بخونیم پا تش و چاله، به نم دل بیت بلاله
هی بخونیم پا تش و چاله، به نم دل بیته بلاله

مو دلوم وا چشمه بر افتو، وا پسینون دم ماله 
که زه  ته دل درگل و کرگل بزنن وا یک کل و گاله

همه دور یک بورازنیم تش و تنگی ور منه چاله 2 بار

همه تی یک دی بنشینیم، زشوم نوو تا به خروسخون 
بگوهیم وا یک وو بخندیم،  گوگری یاهه به دراسون 2 بار

صبح زی وا بنگ خروسخون ،تش و تاوه دانه بوینیم 
همه از نو مین یه دروون،  دور یه سرفه بنشینیم 2بار

همه تی یک ،همدل یک بویم، همدل یک بویم، دیه نبوهی جا غم دیری
هر چه دوریم وا هو که ناره، بهر بکنیم تا بلکه بکنه ریشه فقیری، ریشه فقیری

تا جور قدیما رو، گره گهپ و کوچیری 
تا مالنه ور داره، صحوا بو تش دیلغ،  بو نون تازه تیری 
بزنه قل ریسه من تش، شیر گا از پاله شیری 
که جقلیل طایره من دست ،هی بدونن من سرزیری

دلوم ایخا تا یه پسینی، بنشینیم پا تش و چاله 
که بخونیم دور یک و دی، ز ته دل بیته بلاله