هیاری

آواز و تصنیف هیاری

آواز

کُر وُری گَو دِی وُری شَو به کَمینه
مَر گِمُونِت کَد بَستِن صُو تا پَسِینه
هر کی عاشق بُو شَو و رُو خَو نداره
تَه سُوارِ قافِله کِی اینِشینه

ولا آسِمون تَش نِها به صَحرا اُن اِسُوسه
نَرمِ بارونی ایخا خاکِ بِووسه
کُر جِغِلیَلنه خَوَر کُن که جَمابون
تا بِوازیم هم زِنُو هَل هَلِ کُوسه


تصنیف

بَنگ بِکُن تا که پِیایَل بِیان هَیاری
آخه مال رَه بار وَنه جا وارگه پاری
وا دِی اَمشَو تا خُروسخُون دَورِ یَک بُویم
تا دِرا اُفتَو بِیا روز وا دِیاری

دُر تو هم واکُن تَشَ دِیلَق به پا کُن
اَر کُمک اِیخوی وُری جار و هَیا کُن
دُرگَلِ جَم کُن وابا خُوت دَورِ چاله
هِیوه بِیارین بَچَلِ دِیندا نِیا کُن