بی‌ قرار

تصنیف و آواز بی قرار 

تصنیف

دِلُم هَمواز زِنُو شال و قَوا كِرد
دُوارته رهسِ اِز رََه مُو جِدا كِرد
نَدونُم سی چه ئی دِيلَق گِرِهده
دُوتايی مُونهِ وا یَک مُفتِلا كِرد

به جُونُم هَم زِنُو تَش وَندِ ئی دِل
نَه وام ئی گُو نَه وام ئی خَندِه ئی دِل
زِ دَستِس نَم پَنَه وا کی بِيارُم
ولا دی حُونُمِه وَركَندهِ  ئی دِل

تُو گيرِ زُونيام بِيدی دِل ای دِل
سی هر كاری وابام بِيدی دِل ای دِل
(وُلا دِی ليوه وابيدُم زِ دَستِت
تو خُو هر جا نَهام بِيدی دِل ای دِل)۲


آواز

نَدونُم سیچه هَمقو بیقرارُم
زِ كارُم دِی خُومَم سَر نِیدِرارُم
به رُوز اَفتَونه  پاهُم تا بِدَرِه
به شَو آستاره هانِه ایشُمارُم

مَنُوم وا سیر دِیندا دِل بِدَونُم
ئی تَرسُم بَعد اِزی دی وِل بِدَونُم
"وای"دلُم جا نِيگِره اَندَی دُونُم
"وای"كه خيلی تَهلِ بی حاصِل بِدَونُم