آواز شوخی

آواز شَوخی

چار سُوار چی گُنجِ شیر بخدا وينه دَمِ تَش
"آخی"صِيدال بَک و مَندِنی وای بخدا فرهادِ جُونبَخش
چار سُوار چی گُنجِ شـير به خدا وينه دَمِ دِی
"آخی"صِيدال بَک و مَندِنی وای بخدا فرهـاد و هادی

اَندِکا مُدُم بُهار به خدا چَشمه بُنه جاز
"آخی"دَستِتِ ماری زِنا وای بخدا اُوستا تُفَنگ ساز
دَستِتِ ماری زِنا بخدا تُفَنگ نَسازی
"آخی"مُونِ بُور هَف تِير خَرد وای بخدا دِروَی به بازی

آصِيدال دِرَو بِکَش بخدا دُوال تَنگه
"آخی"نُومدار خُون زِنُو نِها وای بخدا بُنادِ جَنگه
آصِيدال دِرَو بِکَش بخدا دُوالِ زِینه
"آخی"نُومدار خُون زِنُو نِها وای بخدا جَنگه پَسینه