گرفگار (دنگ و فنگ)

تصنیف گرفگار (دنگ و فنگ)

بِنَه ای رُوزِگاره،چِطَو دَنگ اِیدراره
بِنَه چه دَنگِ فَنگی،دِرَورده دوواره
شَو و رُو بارِمُونه،به دِینِ کارِمُونه
چُنو ویردارِمُونه،که کَس سَر نِیدِراره

گِرِفکارُم به نِیرَنگِ زَمُونه
نَدیدُم دَنگی چی دَنگِ زَمُونه
اِیبینُم هم زِنُو بِی ساز اِیبازه
نَیُوفتا کَس مِنه چَنگِ زَمُونه

زَمُونه کِرده چِینُو بی قَرارُم
زِهِشت از کارِ خُم هم دِی ندارُم
دِیه جُون به سَر آبیمه زِ کارِس
بِنَه چَندی گِره وَنده به کارُم
بِنَه چندی دووارته گِره وَنده به کارُم

خووی دِیه رَوا نِی،کَسی دِی آشِنا نِی
بِرُم از کِی بِپُرسُم،په سِیچه دِی بَفا نِی
بَسی که دلگِرونُم،چه وابیده نَدونُم
بَلا کِردُمه رَهنه،کَسی نِیده نِشونُم

تو یارمبازیه دُنیانه بِنیَر
تِیارت بازی و ای حَرفانه بِنیَر
کَسی گُوشِس بِدِهکارِ کِسی نِی
به ای دَوره تو ای کارانه بِنیَر 


کَلو وابیدِنُم دِی اُن نِهِنگه
بِسی که ای زَمونه نافِرِنگه
زِ دَستِس مُو چه تَهلی‌ها کَشِیمه
اَما زِیر سَرِ او دِنگِ دِنگه
اَما زِیرِ سَرِ او بِنَه چه دِنگِ دِنگه